呢几日真係好热吖.早上7点钟嘅太阳已经好猛喇.一日唔戴遮都唔得吖..
听日体育课开始游水喇.听讲成个游泳池分佐好多份,俾好多班上,睇嚟都唔得点游嘎喇..仲要着嗰套黄色嘅泳衣..救命..
呢排好多野做吖.就嚟期末,开始多作业做.选修课嘅论文又未做.插花又插得麻麻地,可能期末都係一般般嘎喇..加油啦.
呢两个星期嘅口语同听力课都无上,成日都有外国人嚟交流.嚟得多,问题都係问同样嘅,搞到无晒野讲.接触得多,发现其实美国人并唔似我哋想象中咁开放.只不过佢哋确实结婚比较早.
今个星期嘅阅读课终于做佐presentation喇.始终都係讲hello kitty.不过好在我哋班多女生,效果都唔错.
呢排上佢空间,都唔见佢更换心情.睇嚟佢好耐无上Q咁..唔知佢有咩事呢,有d担心..定係佢又返佐学校呢...真係好想知道..
琴晚我又好无用咁喊佐.我真係好唔识控制自己嘅情绪,眼泪话嚟就嚟.希望我可以坚强d啦,我知道佢都想见到坚强嘎..
加油吖!大肥猪!
|
2007年5月30日：