上个星期六日返佐佛山复诊,今次终于拆佐喇.虽然仲要戴保持器两年,但係都係训觉先戴,所以而家终于唔使有牙箍嘅束缚喇.人哋叫我笑嘅时候,我仲係唔习惯呲开牙笑,因为已经两年无咁笑过喇.但睇到自己嘅牙齿咁整齐,我真係好开心.但係,我最想嘅係佢同我分享我嘅笑容,因为从相识到分开,佢都未见过我嘅靓靓牙齿.真係好想好想,同佢分享我嘅快乐.
返佛山嘅时候,坐车经过好多地方,都係有我哋共同回忆嘅地方.以前我唔知心痛係咩感觉,但而家,我终于知道,每次当我捻起佢嘅时候,我个心就会抽住缩紧咁,真係会痛..
近嚟睇溏心风暴,真係学到好多道理.Alfred终于死佐,连常在心最后已经原谅佐佢都唔知道.我感触好大.我哋而家生活係呢个世界上,睇落好似好平安无事咁生活紧,但其实,无人知道听日係咪自己嘅最后一日.所以,如果我哋因为执著,而唔去做一d原本应该做嘅事,就会因此失去最重要嘅人同事.所以,我真係唔想放弃,唔想放弃同佢嘅感情,我好想弥补我以前嘅错,亦都想好似以前咁好好爱佢.分手咁耐以嚟,我一直无办法忘记同释怀,我知道自己,仲係好爱好爱佢..
真係好挂住佢..唔知佢知唔知呢..
|
2007年5月29日：