好耐无上嚟写过日记.其实,每当我有咩想讲嘅时候,最想嘅都係嚟呢度.因为係blog度写,有d野始终唔想俾人见到.
呢排一直追紧!溏心风暴!.好中意常在心同Alfred.Alfred对常在心好好,但伤过佢好深.常在心虽然依然好中意Alfred,但佢都係无再同Alfred係埋一齐.无俾机会原谅佢.等到佐后来,Alfred车祸死佐,常在心先原谅佐佢,其实佢仲係好爱Alfred.但Alfred已经唔会知道.
点解每个人都係等失去之后先会珍惜,先后悔.其实每个人都唔係完美,都有错,但点解唔可以俾个机会人哋改过呢..
呢段时间,我一直都係度捻,无人知道听日係咪自己嘅最后一日,无人知道係咪无下一秒.所以,我一直都好想佢可以俾机会我,等佢知道我唔会再任性.但佢唔俾机会我..
呢个世界咁多人.可以相遇到真係好有缘.点解唔可以好好珍惜..我真係好唔想放弃呢段感情,放弃佢.因为我依然係好爱好爱佢.每日无论做紧乜,我都会捻起佢.就算係好忙,但一停落嚟,我个脑就全部都係佢.听到甜蜜嘅歌,见到幸福嘅画面,我就想喊..但我根本唔可以做d咩..我无论点,佢都唔会再返嚟我身边..
而家每日,我都唯有睇佢QQ空间嘅心情嚟知道佢每日嘅事..虽然只係简短嘅一句话,但可以俾我知道佢过成点,我已经好满足.听日係佢上课嘅最后一日,我知道佢好唔舍得.佢终于都实习结束喇.我都替佢开心.好想同佢讲两句祝贺嘅说话.但我唔可以..我知道佢唔想收到我嘅信息..唯有係心入面祝福佢..
希望佢实习之后可以顺利毕业,搵到好学校做个好老师喇.我相信佢可以嘎.係我心目中,佢一直都係咁叻嘎.
|
2007年5月24日：