又喊喇.唉.真係无用..
啱先又同佢嗌交.确切嚟讲,係佢觉得我係度无理取闹,觉得我係度任性.事实上,我觉得自己无错.虽然,我承认自己越嚟越感觉唔到安全感,相反亦越嚟越依赖安全感..当我感觉唔到嘅时候,我会唔知点算好,我好想做d咩去挽留,但每次,都适得其反.
一直以嚟,我都需要同我係埋一齐嘅人係时时刻刻好紧张我,在乎我.就算个心係,我更需要係行动上表现出嚟,因为咁先可以俾我感觉实实在在嘅安全感.可能,佢并唔係咁嘅人,又或者,男生都一样,唔中意乜嘢都表现出嚟.但係我需要,我就係需要!
其实我都知大家都深爱彼此.我亦都知自己咁样俾好多压力佢.但係,我自己又何况唔係生活係压力之中?自从知道佐...我就一直无安全感..一直好惊佢唔要我..好惊有咁嘅一日..
本日记本..可能到最后只会成为自己独角戏嘅日记本.妈咪话过,以后要揾一个爱自己俾自己爱佢多嘅人.到而家,我先明白妈咪讲嘅係啱噶..
|
2007年2月7日：