唉.呢两日都落雨.鬼死咁冻..屋都唔想出..聽日仲要返学校.点算..
忽然觉得其实呢度都几好..无熟人知道你係边个,无人睇到你写嘅嘢.有时好多想讲想写嘅嘢反而係QQ空间同blog都唔敢写.因为唔想俾人知..原嚟始终都係年轮好吖..以后要多d嚟先得..特别係想写秘密嘅时候.
今日突然有个捻法,就係同我拍拖嘅人都会好痛苦.点解?因为我实在太任性,又多疑,成个更年期妇女咁.我真係唔适宜拍拖.唉..
嗰死人blog成日上唔到,想写嘢都写唔到.今日激到我终于发佐封mail去闹佢个死人系统.唔知佢哋会唔会理呢封嘢.如果佢哋无回复或者无作出改进,我一定会换个blog嘎!!虽然嗰度有好多回忆..
唉,大佬自从上佐高四之后,特别悲观颓废.讲d嘢都係阴暗,无晒希望咁.我明白佢心情,但唔知点安慰佢好.我真係唔擅长安慰人..惟有係度听佢发牢骚..
其实,当人哋将唔开心嘅嘢同我讲嘅时候,我自己都会变得唔开心.所以有时我会好自私咁捻,唔好讲d唔开心嘅嘢俾我听得唔得吖.但係,f都係咁嘎啦,我自己又咪一样会咁..所以都係算啦..
24号.係谢鱼生日.不过佢仲未返嚟,帮唔到佢庆祝.其实嗰日,原本我以为都可以係一个纪念日.但係.我都係算喇.好多嘢自己强求唔到,未到嘅时候佢唔会嚟.所以惟有等啦,等嗰一日,但唔知係咪真係会到嚟..
越嚟越觉得自己缺乏安全感.对自己无晒信心.我都唔知从几时开始变成咁..或者係太爱佢啦褂.唉.爱到自己都唔係自己喇..
呢几日天气都咁差.心情又一样咁差..唉. 几时先好天喔..
|
2007年1月21日：