牛朗織女
自從調佐位後，同你就好似牛朗織女甘，節節上課都對望，而落佐課就好似陌生人甘吾理睬對方。要到佐星期先講電話。真系可憐蟲。吾理同你做陌生人又好，同學又好，只要半個月後，一放假咩都會改變，會變得可能連電話都吾敢再講，好耐好耐先見一次面。我知人同人無可能永不分離，而且日日見亦都未必系好事，唯有一切隨緣吧啦
複合
昨晚你講邊句真邊句假我真系吾識再分啊，你又要我自己去諗，好鬼死衰喇者。原來你同我分真系同啊展個死賤人有關哦。女仔呢直覺真系講甘靈就有甘靈。你同我分個原因，系我的至命傷來噶，次次拍拖都要諗呢個問題，而一直都解決唔到，你教嚇我應該點做啊？我一直都想複合，而家俾我恨到啦，又開始亂諗野啦。點解對呢件事我無咩開心感？你打俾我個時我還開心過你同我複合，為乜咧？可能因為知道無好結果哇！你又話試一個星期，如果無問題就繼續，有問題就分，有一個星期來改我同你的吾好之處，真難的。我對呢次已經無咩其望啦，就好似知道一定會分的甘，定系因為上次期望太大，就即刻面對失望。
值得咩？
6月4日，第一次的捱夜，祗換來4掌？我還未清楚。以後會有咩後顧之憂？星期六`日吾俾出去玩？無零用錢？無論點都好啦，我總會覺得值得喇。因為我試佐好耐都想試的野，試佐違抗DADY，有咩後果？一直以來，我咩都聽曬苣話，乖到己經無得再乖，而苣，根本就睇吾到我的好。噶晚捱夜雖然吾系好開心，而且還發生佐一D吾開心喇野，但無後悔噶。
淚水真的決堤了嗎？
自從個次健同我分手，我以為D眼淚真系流士佐，一直無滴出過，直到依家，又重現了。淚水模糊了雙眼，我都吾知自己寫緊乜。發覺呢次俾苣罵的FEEL真系吾同佐，無以前甘驚，而個4掌一D都吾痛，就好似個臉忽然之間熱佐，卻FEEL吾到其他感覺。眼淚系個眶度打轉佐好耐，最終企房度只系好慢好慢，一滴一滴甘掉。唉，真系好耐無俾人打過啦，由其系屋企人，上次打我都系10年前的事咯。依家我唯一擔心的系啊鍵，以後又點同苣相處啊？連煲電話都要限制啦！
好鬼死憎你啊
你呢D人真系頭髮短，見識又少，幾十世無俾人罵過咩？甘都吾玩得，隨便取笑你幾句就搞到甘大件事，有第一次肯定會有第二次啦，好似有咩大不了甘。你最了不起？你永遠佐大佬，咯厄！妄想，要啊健同你道歉，“對得住”就識講，“對吾住”，要講都留返俾我啦，死CHEAP貨。
難為情
真系想一拍兩散變一拍三散咩？有咩可能系有得揀的情況下，要仲意噶個吾要愛噶個啊？愛啊健愛得我依家都想冒住危險打俾苣，有咩可能會甩苣啊？？？？？我見你畢竟都算我的好朋友，所以吾想因噶呢事就咩者。。
慢性自殺
唉，因為犯佐一次錯就判我死刑，吾俾出去玩吾俾聽電話，甘未系等於呢我系度慢性自殺，真系寧願死還好過咧。一句為佐我好，就要我斷絕外界生活，系呢個溫室度成長，好系好啊，但我會開心咩？以前我總覺得笑代表有自信，好多人都話覺得我鍾意笑，系屋企無論幾吾開心都好，返到學校我一樣笑得甘開心。而依家咧？還會識得點去笑啊？識都吾似用心發出來喇啦！每一次你DAY講咩，我都盡力做到最好，依家你DAY叫我去讀死書，可以話似比死還難受啦。而且還交佐呢幫損友，點好都好吾到邊啦！何況你的觀念同我差甘遠。
貪得無厭
健，你同我複合系因為你睇佐我的心聲嗎？所以再次賜俾我憐憫嗎？你的憐憫就好似天使愛，（天使愛是出於同情的心，來得快也去得快的愛）甘吾叫憐憫，叫做殘忍啊。因為你明知會傷多我一次，卻為佐自己吾使內疚，而同我一齊。而我，唯有將錯就錯的貪戀你。我知貪的下場好慘好慘，第一次同你一齊就想你鍾意我，失去佐你先知你鍾吾鍾意我吾緊要，只可以等待憐憫。依家等到你的憐憫，就貪你的花言巧語，驚變改成另一個人。全部出於一個貪字，留下的是淒美。
佔有欲強
貓，你真的可以有啊健心目中取代我咩？我企啊健心目中由玩伴的角色變成女友，而你，依家就好似惜日的我同苣，我睇住你DAY玩，好難過。怕他日你吾會似取代我，而系佔有苣。令我開始妒忌你，明知一切無可能，你咩都比吾上我，可做咩我還要去妒忌你啊？我D同學話甘只似“乞醋”者，我並不甘樣認為。6月7號，今日我真系好難受，想喊又喊吾出，睇住你DAY玩時，真系好想用喊來引起你的注意力，或者只會換來厭惡的眼光，不過都好啊！叫我同你講D事，我又怕你被綁束，怕你覺得我煩。咩都吾講，響心裏埋沒又吾開心，好憎個鍾妒忌的心態啊，為乜好多女仔都似甘啊？
痛是一種淒美我們的第二次爭执
昨晚我可以話系上佐愛情最重要一課，發覺痛解決完之後系淒美的，先苦後甜，你剛打電話俾我時，同我講“今晚諗佐好多野，好亂，點都笑吾出來，吾算吾開心，但又無開心。”一直系度同我講傷感的事，就好似想分甘。我本來對呢次複合無咩期望，但聽你講住，我又想喊，又喊吾出。講佐成個鍾，你忽然之間笑得好開心，同我講“玩你喇，睇嚇你幾緊我都好啊！”之後我終於喊佐出來，你用好溫柔的語氣哄我，對我承諾無下次。又問我“啊展話女仔喊系為佐博同情喔，系咪甘喇？”“吾一定喇，不過我系為佐博同情者”。“你呢句話系咩意思啊？你知唔知呢句話令我個心的裂痕再次裂開？原不定期一直你都有唔 信我？”第二次的爭執亦都系因為我唔信你。點好似你哄我變成佐我哄你甘啊？“一直以來，你證實過咩？你叫我點去信你啊？不過依家聽到你甘講，我咩都明啦，吾需要再證實啦”！乜情侶之間吾系需要互相信任的咩？我DAY講好佐慢慢培養感情解決問題~~~~~~~~~~~~ ”終於講清講楚啦，我好開心得到佐呢個我日想夜想的答案，今晚雖然對你做佐傷害，但值得。
壞咩？
6月12號，第2次去男仔屋，第一次一個人去男仔屋，系穩你。我覺得呢個下午系我歷史以來最壞的一個下午，雖然系呢個世代似小兒科，我D思想又幾開放，但我都還系覺得太放肆啦！你似同我接觸最多的第一個男仔，系我第一個溝的人，系我第一個同我拍，我又愛的人，今日下午雖然只系企張床度攬攬錫錫，還保存住我個初吻，根本就無咩大不了。但我總系覺得太放肆啦！
|
2007年11月30日：